قياسات المياه
موضوع انهارده
سؤال انت تعرف يعني ايه
GH
KH
TDS
PH
No2
No3
NH4
اكيد نسبه كبيره متعرفش تعالوا نعرف مع بعض
المياه فى الطبيعة عمرها مابتبقى مياه صافية بنسبة ١٠٠ ٪ …… بيبقى دايب فيها أملاح و معادن و عناصر غذائية و حاجات تانية كتير و دا بيختلف حسب البيئة المحيطة بالمياه ….. و كل الكائنات سواء كانت زرع أو سمك أو كائنات تانية أخدت ملايين السنين عشان تتكيف مع البيئة دى … لو أنا غيرت البيئة دى ممكن السمكة دى ماتستحملش … و حتى لو استحملت عمرها ما هتكون فى أحسن حالاتها.
كل دا غير بقى و قت الكارثة لا قدر الله تشوف السمك بتاعك تعبان و بيموت قدام عينك و انت مش قادر تعمل له حاجة
و آخر ماتغلب تحط صورة الجثة على النت و تسأل إيه السبب ….؟؟؟!!!
و خد عندك ٩٠٪ إجابات غلط الا ما رحم ربي
و ١٠٪ إجابات صح و ممكن تكون بالصدفة كمان و خصوصاً لو مش باين حاجة على شكل السمكة أو تصرفاتها قبل ماتموت لأن المشكلة هاتبقى فى المياه و المياه فى حوضك انت …
فلازم تعرف إيه اللى بيحصل فى مياه الحوض عندك..
فيه أربع مقاييس أساسية هى اللى بتتحكم فى خصائص المياه و هى :
درجة الحموضة PH ،
السعة التخزينية أو القلوية KH ،
عسرة المياه أو الصلابة GH ،
و المواد الصلبة الذائبة TDS
دا بالإضافة لبعض مقاييس فرعية زى المواد الغذائية و مجموعة العناصر المضادة للأكسدة
أو زى مابيتقال عليها العناصر الصغرى…
تعالوا نتكلم فيهم واحدة واحدة
عشان الموضوع يبقى أوضح :
درجة الحموضة PH
البى اتش هى درجة قياس حموضة المياه ….. درجة تعادل المياه هى ٧ …. لما يبقى PH = 7 بتكون المياه متعادلة …. لو أقل من ٧ تعتبر المية حمضية ….. و لو أكتر من ٧ بتعتبر قلوية.
عند درجة بى اتش 5.5 بتكون حموضة المياه عشر أضعاف من حموضة المياه عند درجة 6.5 و دا معناه ان أى تغير و لو بسيط بيأثر فى المية بشكل كبير.
يعنى تغيير البى اتش بشكل مفاجئ و كبير ممكن يسبب ضغط على السمك و يوصل للصدمة حتى لو هاتغير من الأسوأ للأفضل …
أكتر من 0.3 PH فى اليوم بيعتبر ضغط على السمكة …. فأحسن حل فى حالة تغيير البى اتش هو الاعتماد على الطرق اللى فاعليتها بطيئة نسبياً.
لو درجة البى اتش عندك مابين 6.5 و 7.5 أنت كدة ضمنت انك تقدر تربى نسبة كبيرة من السمك الموجود فى الهواية
فيه سمك ممكن يتأقلم معاك حتى لو خارج بيئته و فيه أنواع حساسة مش هايستحملوا .
– تقدر تقلل درجة البى اتش ( تزود حموضة المياه )عن طريق الخشب الغاطس ، الأوراق المجففة زى ورق اللوز الهندى و ورق الجوافة و ورق التوت
– من أضمن الحاجات اللى بتقلل البى اتش هى ضخ ثانى أكسيد كربون فى المياه اذا كان ساءل او غاز والاتنين موجودين برده عند اسلام ياسين الحمد لله.
– لو عايز تعلى البى اتش ( تقلل الحموضة ) ممكن تحط ميديا فى الفلتر زى أصداف القواقع ، الشعب المرجانية أو كسر الرخام
السعة التخزينية أو القلوية KH
الكى اتش KH مسئولة عن تركيز الكربونات أو البيكربونات فى المياه و تعريفها هو قدرة المياه على تخزين مواد تحافظ على درجة الحموضة فى المياه ….. عارفين تجربة الخل مع كسر الرخام ؟؟؟؟ الرخام بيمتص الأحماض و يتفاعل معاها فبيقلل نسبة ان الحموضة تزيد (يعنى بيزود البى اتش يبقى كدة ال KH و ال PH مربوطين ببعض ) عشان كدة الناس بتقول لك ماتستعملش جرش كسر الرخام لأنه بيتفاعل مع المياه و بيرفع البى اتش.
المياه الصافية تماماً زى اللى بتطلع من الفلتر ال RO بتبقى تقريباً فيها زيرو KH فبتبقى أكتر عرضة لهبوط ال PH
و زيادة الحموضة فى حالة ان كمية أحماض بسيطة تتضاف للحوض لأن انت كدة تبقى شيلت المادة اللى بتمتص الأحماض …. عشان كدة لو هاتستعمل ميه RO لازم تخلى عينك على ال PH و تقيسه كل اسبوع على الأقل ….. و يفضل لو هاتحط مياه RO تزود عليهم شوية ميه حنفية عشان تضيف للمياه جزء بسيط من الاملاح و المعادن …. أو تضيف انت المعادن اللى هاتحتاجها بس كل دا لازم يبقى بحساب.
عسر المياه أو الصلابة GH
الGH اختصار لGeneral Hardness ترجمتها الحرفية الصلابة العامة للمياه و هى عبارة عن نسبة تركيز الماغنيسيوم و الكالسيوم فى المياه ….. دايماً تسمعها لما تيجى تقرا عن سمك زى السيكلد لما يقول لك انه محتاج يعيش فى Hard Water يبقى كدا محتاج GH عالى .
لما أجى أقول لك حط قشر بيض فى الحوض عشان تزود الكالسيوم فى الحوض بس خلى بالك انه بيرفع ال PH
قشر البيض بيحتوى على مادة كربونات الكالسيوم ….. كربونات الكالسيوم دى عبارة عن كربونات (بترفع الKH)
و كالسيوم (بيرفع الGH ) و بالتالى بترفع الPH فى المياه …..
يبقى كدا ( PH,KH,GH) التلاتة مربوطين ببعض يعنى صعب انك تغير حاجة منهم من غير ما تغير الباقى ….
المواد الصلبة الذائبة TDS
الTDS اختصار لTotal Dissolved solids و ترجمتها الحرفية هى إجمالى المواد الصلبة المذابة
طبعاً بعد كمية التفاعلات اللى اتكلمنا فيها هايبقى فى مواد صلبة كتير بتدوب فى المياه و المواد الصلبة دى عبارة عن أملاح و معادن و مواد تانية و وحدة القياس ليها هى ال TDS
و تعبر عن كمية المواد العضوية واللاعضوية التي يحتويها سائل سواء كانت مواد عالقة في صورة جزيئية أو أيونية.
غالبا ما يستخدم هذا المصطلح عند التعامل مع المياه لوصف مدى صلاحيتها للشرب أو للغلايات البخارية او للسمك مثلا.
يحتوي الماء على كربونات، بيكربونات، كلوريدات، كبريتات، فوسفات، نترات، كالسيوم، مغنيزيم، صوديوم، بوتاسيوم، حديد، منجنيز، وبعض المعادن، الغازات، ومواد مترسبة أخرى. يستعمل أيضا مصطلح الأملاح المذابة لنفس التعبير السابق.
تقاس كمية المواد المذابة
هناك خمسة مراتب من المواد المذابة:
منخفضة جدا 0 - 50 ملي جرام/لتر
منخفضة 50 - 250 مل غرام/لتر
متوسطة 250 - 800 مل غرام/لتر
مرتفعة 800 - 1500 مل غرام/لتر
مرتفعة جدا> 1500 مل غرام/لتر
يجب أن تحتوي المياه المعدنية على كمية من المواد المذابة تتراوح بين 50 إلى 800 مل غرام/لتر. يطلق مصطلح "ماء معدني قليل المحتوى" على المياه التي تحتوي مواد مذابة أقل من 1500 ملغ/لتر و "ماء معدني عالي المحتوى" على المياه التي تحتوي مواد مذابة أكثر من 1500 ملغ/لتر.
أمثلة
الماء إجمالي المواد المذابة TDS
الماء المقطر 0 ppm
ماء عذب 1 إلى 500 ppm
ماء مسوس 500 إلى 30000 ppm
ماء مالح 30000 إلى 40000 ppm
النيتريت NO2
تقوم البكتريا النافعة فى الفلتر بتحويل مادة الامونيا الى مادة النيتريت و التى هى اكثر خطورة من الامونيا و تتزايد خطورته النيتريت مع درجات ( PH ) المنخفضه ( اقل من 7 ) ولحسن الحظ تستطيع البكتريا النافعة القضاء علي النيتريت وتحويلها الى نيترات
النيترات NO3
هى الناتج النهائي للدورة النيتروجينية ( امونيا ← نيتريت ← نيترات ) و هى غير سامة ولاكنها تلعب دورا كبيرا فى نمو الطحالب الضارة فى الحوض كما تتسبب فى انخفاض معدل نمو الأسماك و لا تستطيع ذريعة الديسكس العيش فى مياه بنسبة نيترات اعلي من 10 ملى جرام في اللتر ( 10 ppm ) و للقضاء عليها يجب تغير كميات كبيرة من الماء كل اسبوع
الامونيا nh4
تعتبر اخطر حاجه لازم تتابعها لانها لما تزيد تعرف انه هلاك
عاوز تعرف اكتر ادخل علي المعلومه بتاعت كل سمكه في المواقع الأجنبيه هاتلاقي السمكه واسمها والنسب اللي بتعيش فيها علي صورتها وكل ده سهل انك تبحث عنه
بس حبيت اشاركم الموضوع عشان تفهم اكتر
واخيرا نضيف مع التسات دي
تستco²
وهو ازاي اعرف نسبه ثاني اكسيد الكربون في حوض النباتات الخاص بي
بيبقي التست عباره عن زجاجه سائل ومعاه زجاجه اسمها دروب شيكر بنحط ١٥ نقطه فيها ونحطها في الحوض وبتدينا لون اذا كان اللون اصفر يبقي الغاذ قليل
واذا كان اخضر يبقي كويس
واذا كان ازرق يبقي كتير وممكن يموت الاحياء المائيه
وبكده اكون شرحت كل انواع التستات اللي ممكن تستخدمها ان شاء الله
للحفاظ علي الميه والاسماك والاحياء المائيه
شكرا لحسن قرائتك
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
::: تعريف غاز الأمونيا ومسبباته وكيفية التخلص منه :::
التعريف العلمي لغاز الامونيا او الأمونياك :
الامونيا او الأمونياك أو غاز النشادر هو غاز قلوي لا لون له يتشكل من جزء نتروجين واحد وثلاثة أجزاء هيدروجين ، وهو أخف من الهواء وله رائحة نفاذة مميزة ، الرمز الكيمائي له هو NH3 ،
الامونيا او النشادر هو غاز عديم اللون ذو رائحه نفاذة مميزه اخف من الهواء سريع الذوبان في الماء
كثافته 0.771
درجة غليانه 33.4- درجه مئويه
درجة تجمده 77.7- درجه مئويه
يسهل اسالته بالضغط او التبريد
كيف تتكون الامونيا:
من المعروف ان الاسماك تخرج الامونيا في الماء كمخلفات و فضلات نتيجة الاخراج و هي نسب مقبوله ولكن الخطوره تأتي من بقايا الاكل التبقيه في الحوض بعد تغذية الاسماك او بقايا النباتات الميته اذا كان الحوض مزروع اذا لم يتم ازالتها، و هنا ياتي دور بكتريا التعفن بتحليل بقايا فضلات الاسماك و بقايا الاكل و اي بقايا عضويه اخرى و تنتج النيتروجين الذي لا يلبث الا ان يتحد مع الهيدروجين الموجود بالماء مكوناً الامونيا 3H2+N2=NH3 و هذه الصوره الغير ايونيه للامونيا و هي سامه جداً للكائنات المائيه عامه و للاسماك بصفه خاصه.
وعموما تختلف سرعة تكوين الامونيا في الاحواض باختلاف نوع الاسماك و طريقة تغذيتها و حجم حوض التربيه و نوعيه الماء اذاكان نظيفا ام لا.
كيف تعرف ان حوضك ارتفعت به نسبة الامونيا ؟
::: الطريقة الاولي :::
الملاحظه البصريه للحوض :
الرائحه : حيث تجد رائحه نفاذة عند الاقتراب من ماء الحوض
شكل الماء : حيث تجد ان سطح الماء به فقاعات هواء او رغاوي او زبد
سلوك الاسماك : حيث ستلاحظ انكماش زعانف الاسماك ورقودها في قاع الحوض و تضخم اسفل الخياشيم وانكماش المنطقة البطنية وامتناع الاسماك عن الطعام او تاكل ثم تخرج الطعام مع ارتفاع عدد معدلات التنفس وسرعة فتح وغلق الخياشيم.
::: الطريقة الثانية :::
بالكواشف الكيميائيه للكشف عن نسبة الامونيا :
هناك انواع من المواد الكيميائيه التي تستخدم للكشف عن الامونيا بالماء اشهرها كاشف ( نسلر) حيث تاخذ عينه من ماء الحوض ونضع ثلاث نقاط من الكاشف فنجد ان الماء تلون بالون الاصفر حسب تركيز الامونيا ثم نقارن تدرج اللون الاصفر من الفاتح الى الغامق لمعرفه نسبة الامونيا بالماء ، اما اذا كان الماء مالحاً او به نسبه ملوحه نستجدم اولا كاشف ( راتشيل ) لترسيب الاملاح الذائبه بالماء ثم نستخدم كاشف نسلر بنفس الطريقه السابقه و هذه اكثر الطرق دقه للكشف عن الامونيا في الماء.
كيفية التخلص من الامونيا الموجوده في ماء الحوض :
يمكنك التخلص من الامونيا باحدى الطرق الاتيه :
اولا باستخدام بعض المواد الكميائيه التي تكسر الامونيا و تحولها الى نترات او حتى الى نيتروجين و لكنها طريقه مكلفه و يجب التعامل معها باحتراف و اضف الى ذلك ان هذه المواد الكيميائيه غير متوفره في الاسواق في اغلب الدول العربيه.
ثانيا باستخدام البكتيريا الموجوده داخل حوضك :
من المعروف انه في الدوره البيولوجيه هناك انواع من البكتيريا التي تحلل الامونيا الي نيتريت و هي بكتيريا تسمى النيتروسموناس فهي تتغذى علي الامونيا و تنتج النتيريت و هو ايضا سام فيأتي دور نوع اخر من البكتيريا يسمى النيتريسقيروس و هي احدى انواع النيتروباكتر و التي تحول النيتريت الى نترات ، و النترات غير سامه للاسماك الا اذا ازداد تركيزها في ماء الحوض بنسب عاليه ممكن ان تكون سامه ،
و للتخلص من النترات يجب تغير ربع ماء الحوض كل اسبوع بماء مركون لمدة لا تقل عن يوم حتى يقل تركيز النترات في الحوض .
اما اذا كان حوضك مزروع فالموضوع يكون اسهل بكثير حيث تعمل البكتيريا و النباتات في الحوض على القضاء نهائيا على نسب الامونيا السامه في الحوض حيث يسخدم النبات فضلات الاسماك و بقايا الاكل كسماد طبيعي لها.
وفي جميع الحالات افضل طريقة للتخلص من الامونيا هو الالتزام التام بالتغيير الدوري للمياه واستبدال 25% من مياه الحوض بمياه نظيفة مركونه لمده لاتقل عن 24 ساعه مع عدم الاكثار في تقديم الطعام والحرص علي ازالة الطعام المتبقي و انتزاع فضلات الارضيه اثناء عملية التغيير الدوري للمياه.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
