معلومه ( ١ )
(السكليد الافريقي )
( الاسم العلمي: African cichlid )
---------------------------------------------
كثير منا فكر بأقتناء أسماك السيكلد ولكن يقف الهاوي حائرا ويسئل نفسه !!! كيف أقوم باعداد حوضي لأستقبال تلك السمكة ؟؟!! ماهي درجة الحرارة المناسبة ؟؟!!
ماهي ديكورات الحوض ؟؟!! ماهي طبيعة الماء وكيفية اعدادها ؟؟!! وغيرها اسئلة كثيرة تدور في ذهن المربي ولكن ان شاء الله سوف يكون الامر سهلا لنتعرف على كيفية اعداد أحواض السيكلد الافريقى ومتطلباته من:!
في البداية لابد ان نعلم ان عالم اسماك السيكلد هو عالم آخر من انواع تربية اسماك الزينة فهي اسماك ميزها الله سبحانه وتعالى بألوان جميلة وجذابة لا مثيل لها ولكن كي نستطيع الحفاظ على تلك الاسماك وتوفير ما يناسبها لابد وان يتوفر لدينا عدة اشياء :
1-حوض مناسب لا يقل مساحته سم او عن 100سم أو اكثر
4- سخــان مناسب لحجم الحوض
2- عدد من الصخور والكهوف
3- رمل ابيض
5- فلتر بنوعية جيدة
هذه هي الاشياء الهامة والمطلوبة لاعداد حوض السيكلد الافريقى ولا بأس من توافر بعض النباتات الصناعية ان اهم مايميز احواض السيكلد تلك الصخور والكهوف ولكن نتوقف قليلا هنا على نظام فرش الارضية وكما تعلمون بأن اسماك السيكلد دائم الحفر فمعظم تلك العائلة تفضل الارض الرملية او الحصوة الخفيفة وهنا يجب عليك اتخاذ ايحاء الطبيعة مما يترتب عليه راحة الاسماك وكأنها في بيئتها الطبيعية ولأن السيكلد دائما لا يفضل وجود النباتات بالتالي لا يهمنا هنا وجود فراغات أو تهوية اسفل الجرش كما هو متبع مع العائلات الاخرى بعد ان قمنا باعداد الحوض وترتيبه وتنسيقه كما سبق من خلال الصور يتقى لنا ان نعرف الأتي طبيعة المياه المناسبة لها :
ان اسماك السيكلد الافريقى تتسم المياه الخاصة بها بالقلوبة وهو الأمر الهام الذي لابد من اتخاذه في الحسبان لكي تستطيع الاسماك التكيف على بيئتك وحوضك بكل أمان فيتم ملئ الحوض وبالطبع هنا قمنا بأستخدام الرمل الناعم او كسر المرجان لانه بالتفاعل مع الماء يسبب ارتفاع القلوية بالاحواض وهو الامر المطلوب للأسماك وقد فعلنا ذالك بطريقة طبيعية ولكن هناك مستحضرات يتم استخدامها لاعداد الاحواض ولكن لاداعي للمصاريف الباهظة والانفاق من اجل ذالك فيمكننا من خطوات بسيطة محاكاة وضبط كيمياء الماء وعلينا أيضا إضافة كمية من بيكربونات الصوديوم فهو يساعد على ضبط القلوية أيضا بالإضافة ان بحيرة ملاوي تتسم بالعسر فيكون المقدار ملعقة صغيرة لكل 20 لتـر ماء ثم نقيس الPH. ماهي درجة الحرارة المناسبة للسيكلد الافريقى :
ان افضل درجة حرارة هي مابين 25 الى 27 درجة لاحواض السيكلد الافريقي حيث ان الحرارة العالية دائما ما تسبب في العدوانية الزائدة بين الاسماك وايظا تعمل على نقص الاكسجين الامر الذي لا يتحمله السيكلد الافريقي على وجه الخصوص ودائما ما يصاب بالاختناق والموت المحقق ولكن علينا ان نعلم ان كلما كانت الاسماك صغيرة وليست كبيرة وفي مراحل عمرية متقدمة لابأس ان جعلنا درجة الحرارة 27 - 28 لان الاسماك الصغيرة دائما عرضة للامراض البكتيرية وخاصتا البكتيريا المعوية بالأضافة الى ان الحراره الاعلى تجعل صغار السمك تأكل اكثر وتنمو بشكل اسرع.
الفلترة :
-----------------
الترشيح والفلترة امر ضروري لانه يجب ابقاء بيئة الماء نظيفة وهناك عدة انواع من الفلاتر التي تتوافر اليوم ومنها الفلاتر الاسفنجية تعمل بشكل جيد جدا خصوصا للأحواض الصغيرة وهي رخيصة وتعمل لسنوات وهناك فلاتر الباورهيد فعالة وممتازة واختيار المناسب منها لحجم الحوض لديك ولكن عامل الفلترة لوحده ليس كافيا للحفاظ على الحوض والبيئة اذا لابد ان يكون مدعوما بتغيير وتجديد الماء الدوري حيث ذكرت سابقا ان العناية بحوض السيكلد امر هام اذ انك تربي السمك في بيئة مغلقة وبالتالي تصبح البيئة متسخة دائما خصوصا ازدحام الحوض او مع التربية المكثفة والاطعام المفرط والزائد والفلاتر الغير قوية والفعالة مما يترتب عليه ارتفاع نسبة الأمونيا الضارة بالحوض لذالك تحتاج لتغيير الماء بانتظام على اقل تقدير 20 الى 25 بالمئة كل اسبوع للحفاظ على الاسماك والحوض ولتفادي الامراض التي تسببها ارتفاع الامونيا والمواد الضارة
الاضاءة :
-----------
من هذه الاسماك لاتحب الاضاءة القوية والعالية اطلاقا اذا نها تزيد من عدوانيتها وتجعلا حادة الطباع ولكن الاضاءة الملائمة للنظر داخل الحوض أفضل والاشعة المضاءة . لمبات الجارولكس والبيولوكس أفضل لانها توفر الطيف الطبيعي لضوء البيئة الاصلية لاسماك السيكلد وبالتجربة الشخصية ان الاضاءة العالية للسيكلد تجعل الوانها باهته ومعتمة ولكن جرب الاضاءة الخفيفة فستجد اروع الالوان يجب ان لا تزيد تشغيل الاضاءة اكثر من 8 ساعات يوميا.
السيطـرة والعدوانية :
---------------------------
أسماك السيكلد عموما مخلوقات اقليمية ولذالك لا يميلون نحو العدوانية في البحيرات والانهار على العكس في البيئة الاصغر وهو الحوض يزيد عدوانهم طبيعيا وبالتالي لا يمكن السيطرة على العدوانية بالشكل الكامل لكن هناك طرق لتخفيضها - بتخفيض درجة الحرارة - امتلاك اقل عدد من الذكور - توافق الانواع مع بعضهم البعض - توفير عدد كاف من الكهوف والمخابئ - عزل الازواج التي تفرخ داخل احواض خاصة
بعض انوع الغذاء الاضافية التى يمكن استخدامها كوجبة اضافية مرة او مرتين فى الاسبوع او كل فترة ك نوع من التغير :
1) الخضروات : يمكن تقديم الخضروات الطازة كنوع من التغيير لاسماك السيكلد الافريقي وبالخصوص عائلة الموبونا والتروفيوس وانا افضل الخيار والكوسة ويجب الا تتركها اكثر من 24 ساعة حتى لا تتحلل وتزيد من نسبة الغازات الضارة .
2) الجمبري : يتم تقشيره وتقطيعه حسب حجم فم الاسماك واعطاء وجبة او وجبتين كل فترة لاسماك البيكوك والهاب والفرنتوزا والكالفوس غيرها من انواع بحيرة تنجانيكا وانا استخدمه فى حالات فقدان الشهية او فى مرحلة نقاهة بعد علاج كوجبة اساسية للسمكة المريضة لاستراجاع صحتها بسرعة .
3) الارتيميا الحية او المجففة : يتم تأكيل الامهات منها كل فترة ..
4) اقراص الاسبيرولينا والطحالب : الاقراص اللاصقة على الزجاج الغنية بالطحالب والفيتامينات مفيدة جدا لاسماك السيكلد لاحتواءها على كثير من العناصر المهمة للسيكلد الافريقي.
5) انواع الاكل المجفف الغنى بمحفزات الالوان : يمكن استخدام انواع اخري من الاكل المجفف الغير مخصص لزيادة تحفيز الالوان ولكن لا تكثر عن مرة او مرتين فى الاسبوع .
6) الطحالب الخضراء : ويوجد نوع منها متوفر بكثرة تسمي بالطحالب الشعر او الريم وتأكد من نظافتها قبل التأكيل وسوف تجد اسماك الموبونا شديدة الشراهه فى اكل الطحالب .
7) الثوم : يمكن ان تضع فص من الثوم كل 3 اسابيع وتركه بداخل الحوض لمدة 3 ساعات وبعد ذلك يجب رفع البقايا من الحوض .
وهنا جدول قمت باعداده وهو مجرد مثال يمكن الاستعانة به كنظام غذائي اسبوعى ويمكن التعديل عليه حسب المتاح
أول حاجة الحوض:
الافريقي بيحتاج حوض علي الاقل ٨٠ سم و انت طالع و يفضل طبعا تبقي أبعاد مناسبة و سمك زجاج طبعا مناسب مع استخدام شدادات علوية و سفليه كل ما يكبر حجم الحوض
ممكن تستخدم حوض اصغر من كده حوالي ٦٠ سم بس ده لانواع معينة حجمها صغير زي ال shell dweller cichlids و ده نوع من الافريقي بيعيش جوه الاصداف و القواقع الكبيرة الفاضية و بيحتاج تجيبله قواقع فاضية كبيرة في الحوض
الحوض ال ٨٠ سم برضه لا يصلح لكل الانواع
متوسط أحجام الافريقي من ١٠ سم ل ٢٥ و ٣٠ و في حاجات بتوصل ل ٤٠ سم
عشان كده اختيار نوع الافريقي المناسب لحجم حوضك مهم جدا
الحوض ال ٨٠ او ال ١٠٠ سم مناسب لاسماك من ١٠ ل ١٥ او ١٨ سم أو اصغر طبعا
لو حتربي انواع فوق ال ٢٠ سم يبقي يا ريت الحوض يكون ١٥٠ سم و انت طالع
و سهل تعرف حجم السمكة بإنك تعرف اسمها و تدور علي جوجل حيطلعلك حجمها اللي بتوصله إيه لما تكبر
تجهيزات الحوض:
اول حاجة الفرش و ده بيكون ناعم يعني في حجم حبيبات السكر كده و ده ممكن يكون كوارتز أبيض او رمل فلاتر حجم ١ مللي او رمل سيليكا
الافريقي بيحب الارضيه الناعمة عشان بيحفر فيها و ينقلها من مكان لمكان و بيبلعها و يطلعها من خياشيمه للتنضيف
السكيب بتاع الحوض يكون في صخور كتير و مخابئ و كهوف عشان تقليل الشراسة بينهم و السمك يعرف يستخبي من بعضه
المياه المناسبة للافريقي هي مياه متعادلة او مرتفعه ال pH شوية (من ٧.٥ ل ٨.٥) و المياه بتاعتنا في مصر مناسبة لانها متعادلة و عشان كده مش بنستخدم دريفت وود أو ورق لوز لاحواض الافريقي لانها بتقلل ال pH ممكن نستخدم صخور مناسبة لاحواض الزينة و ممكن صخور بحرية ميتة عشان ترفع ال pH بس متكونش في حروف حادة عشان متجرحش السمك
الفلترة:
احواض الافريقي فيها مصطلحين مهمين
overstock
Over filtration
أول مصطلح ال overstock ده اللي هو معناه ان الحوض يبقي زحمة و في سمك كتير و ده مهم جدا في الافريقي، يعني مينفعش تعمل حوض أفريقي في ٣ او ٤ سمكات
الافريقي سمكة شرسة و بيطلع ذكر مسيطر علي المجموعة بتاعته سواء ذكور او اناث و عشان ده يحصل لازم يبقي في صراع بين اكبر ذكرين او اكتر فلو الحوض في ذكرين او ٣ فحيموتوا بعض من الضرب و حيبقي في خساير
الفكرة في العدد الكبير هو ان الذكر الكبير و المسيطر لما يبقي حواليه عدد كبير حيفضل يطارد ده شوية و ده شوية فشراسته حتتوزع علي عدد كبير من السمك فالضرب حيبقي أقل غير لما يكون العدد قليل حيفضل ماسك واحد يضربه لغاية ما يموت ، يبقي العدد الكبير مهم
مصطلح ال over filtration او الفلترة العالية ناتج من العدد الكبير عشان الحوض حيبقي فيه عدد كبير يبقي محتاج فلترة قوية عن الاحواض التانية ده بالإضافة الي ان الافريقي سمك كبير و فضلاته كتير
الفلترة طبعا لازم تكون ميكانيكية و بيولوچية يعني لازم يكون في باورهيد
طبعا كل واحد و امكانياته ممكن تستعمل كانستر او سامب او باورهيد عادي بكوبايات او فلتر توب علي حسب حجم حوضك و عدد السمك اللي فيه
بس المهم ان الفلترة تكون علي الاقل ١٠ أضعاف حجم الحوض
يعني لو حوضك ١٠٠ لتر مثلا يبقي الفلتر ١٠٠٠ لتر في الساعة و ركز علي كلمة علي الاقل يعني ممكن يبقي أعلي من كده زي ما انت عايز
درجة الحرارة:
طبعا من الاسم هو سمك أفريقي يعني بيحب المياه الدافية فيفضل تبقي الحرارة من ٢٥ ل ٣٠ درجة سيليزيوس و ممكن يستحمل لغاية ٣١ درجة في حالات العلاج
فيفضل استخدام سخان بقدرة مناسبة لحجم الحوض عشان نتفادي السقوط او الارتفاع المفاجئ لدرجات الحرارة اللي ممكن تسبب نقط بيضاء للسمك
أشكال أحواض الافريقي:
في ٣ أنواع من أحواض الافريقي
اول نوع حوض عرض للزينة:
وده بيبقي حوض كله ذكور فقط و ده لان معروف في الافريقي الذكور احلي بكتير من الاناث في معظم عائلات الافريقي و عدم وجود اناث بيقلل الشراسة جدا في الافريقي لان مبيبقاش في تنافس
النوع الثاني حوض تفريخ:
و ده علي حسب حجمه لكن بيتكون في الاساس من مجموعة تفريخ اللي هي بتبقي ذكر و عدد ٣ نتايات او أكثر لان الذكر بيحتاج اكتر من واحدة لان الانثي لو مش جاهزة حيفضل يجري وراها و يضربها لغاية ما تموت برضه فوجود كذا واحدة بيخلي الذكر عنده اكتر من فرصة للتزاوج
لو الحوض كبير ممكن يبقى فيه اكتر من مجموعة واحدة يعني كل ذكر معاه ٣ نتايات في نفس الحوض كلهم
النوع الثالث:
هو مزيج من الاتنين حوض عرض زينة كله ذكور و معاهم مجموعة تفريخ عبارة عن ذكر و ٣ نتايات بتوعه و طبعا يفضل ميكونش في ذكور تانية من نفس نوع الذكر بتاع التفريخ تقليلا من الشراسه
ده كده تجهيز الحوض
بكرة حنتكلم عن عائلات الافريقي و البحيرات اللي بيعيش فيها و التفريخ
بإذن الله 👍🌷☺️
السلام عليكم نكمل موضوع الافريقي بأمر الله
بحيرات و عائلات الأفريقي:
في 3 بحيرات مشهورة في أفريقيا هي اللي بيجي منها معظم انواع الافريقي المنتشرة و احنا عارفينها و هكا (مالاوي – تنجنيقا – فيكتوريا)
-بحيرة مالاوي فيها ال 3 عائلات المشهورة جدا في الافريقي و الاكثرهم انتشار و هما ( موبونا – بيكوك – هاب) و كلهم ممكن يعيشوا مع بعض طبعا لكن كل عيلة ليها خصائصها ، (الموبونا) أصغرهم حجما و أكثرهم شراسة بيكون الطول من 10 ل 13 أو 14سم ألوان الذكر و النثي بيكونوا زي بعض و ملونين بألوان زاهية عشان كده صعب التفرقة بين الذكر و الانثي من الشكل الظاهري، (البيكوك او ال طاووس) أجملهم ألوان و ده باين من اسمه بيبقي متوسط الحجم و الشراسة الطول من 12 ل 17 سم و في أنواع بتبقي أكبر من كده شوية و بعد البلوغ بيبقي التفريق سهل بالشكل لان الانثي بتبقي تقريبا من غير ألوان خالص و الذكر ملون جدا، (الهاب) أكبرهم حجما و اقلهم شراسة الطول بيوصل ل 40 سم في لعض الانواع و برضع بيبقي في اختلاف في الالوان بين الذكر و الانثي وقت البلوغ ، لكن بشكل عام لتأكيد الجنس لازم فحص الفتحات التناسلية.
- بحيرة تنجنيقا فيها أنواع مختلفة و شكلها غامضة شوية لكن رائعة جدا و كفاية ان فيها الفرنتوزا ملكة الافريقي و كمان الكالفوس و التروفيوس أكتر سمكة متنوعة في أشكالها معظم أسماك تنجنيقا بتفضل البروتين العالي في الاكل و درجة ال pH بتاعتها عالية عن مالاوي و عمقها أكبر عشان كده بيفضل اضاءة الحوض متكونش قوية جدا
-بحيرة فكتوريا مجاش منها في مصر غير نوع واحد تقؤيبا و هي النيريري سمكة جميلة و شبه الموبونا في الجسم
التغذية:
الافريقي عموما بطئ جدا في النمو لان الميتابولزم عنده بطئ و التغذية الكتيرة او استخدام خلدة القلب و الاكل العالي البروتين مش حتفرق ولا حتكبره بسرعه بالعكس حتسببله أمراض معوية زي المرض المشهور في الافريقي ال bloating أو انتفاخ البطن و بيبقي مميت
الموبونا و البيكوك بيبلغوا علي عمر 6-8 شهور و بيوصلوا لاقصي حجم في عمر سنة أو سنة و نص
الهاب بياخد وقت اطول بيوصل لسنة
الفرنتوزا و تنجنيقا بشكل عام بيبلغ في عمر من سنتين و نص ل 3 سنين و نموهم بطئ جدا
الافريقي بيفضل البروتين المنخفض و النباتي و لو قسمني الافريقي علي حسب الاكل حيبقي برضه
الموبونا تعتبر غذائها الاساسي بروتين نباتي و اي بروتين بنسب عاليه حيسببلها مشاكل
البيكوك و الهاب بتحتاج بروتين متوسط بين النباتي و الحيواني
تنجنيقا زي الفرنتوزا و الكالفوس بتحتاج بروتين عالي
التروفيوس من تنجنيقا زي الموبونا بالظبط بروتين نباتي
البروتين الحيواني المطلوب سواء للبيكوك او الهاب او الفرنتوزا هو بروتين سمكي يعني جمبري او سمك فيلية مش خلطة قلب بقري و ده لسببين انه مش جتفرق ولا النمو حيبقي اسرع و توفيرا في التكلفة ملهاش لازمة يعني
و البروتين الصريح زي الجمبري او الفيلية او الميل وورم للهاب و الفرنتوزا بيكون مرة واحدة أسبوعيا او مرتين بالكتير أوي و في حالات التجهيز للتفريخ
برضه تأكيل خلطة القلب للافريقي حتكون مضرة للموبونا لو الحوض مختلط موبونا مع هاب و بيكوك و هي غالية برضه ملهاش لازمة ولا تأثير اجابي.
التفريخ:
اتكلمنا قبل كده علي أنواع الاحواض و شكل حوض التفريخ او مجموعة التفريخ عاملة ازاي، برضه اتكلمنا قبل كده عن التفريق بين الذكر و الانثي بالشكل و لكن الاكيد هو فحص فتحات التناسل
الذكر بيبقي عنده فتحتين صغيرين و قد بعض الانثي بيبقي عندها فتحة أكبر من التانية عشان بينزل منها البيض و ده بيبان طبعا بعد الوصول لسن البلوغ
الافريقي نوع التكاثر بتاعه اسمه mouth brooder و ده معناه انها بتحتفظ بالبيض في بقها لغاية ما يتحول لسمك كامل بيقدر يعوم لوحده
الانثي لما تبقي جاهزة الذكر بيطاردها شوية بعد كده هي بتنزل البيض و تبلعه في بقها بيضه بيضه لغايه ما تجمعهم كلهم في بقها بعد كده بتحصل رقصه التنزاوج بين الذكر و الانثي و فيها بتبلع الانثي السائل بتاع الذكر و البيض يتلقح جوه بقها و بعد كده حتفضل الانثي مش بتاكل و شايله البيض في بقها و عماله تقلبه عشان تحميه من الفنجس و ميعفنش حيبقي عنها لغد من تحت كده باين و بتعمل حركة زي المضغ كده طول الوقت لتقليب البيض
لما النتايه تشيل البيض عندك طريقتين
الاولي: ان من بعد 5 ايام من ما تتأكد انها شايلة بيض حتطلعها و تجيب علبة بلاستيك كبيرة و تملاها مياه من نفس الحوض اللي كانت فيه و تمسكها بالراحة من غير ما تضغط علي جسمها او خياشمها جامد و تفتح بقها جوه المياه اللي في العلبة و تخلي بقها لتحت بزاويه كده حتلاقي البيض بينزل في المياه تفضل تنزل في البيض لغاية ما تتأكد انه خلص كله ممكن تسيبها تريح ثواني و تكمل، حتاخد البيض و تحطه في حضانة سكليد افريقي مخصوص جوا الحوض الاساسي بتاعك بتتوصل بماتور الهواء عشان تقلب البيض و ميصابش بالفطر بعد 3 اسابيع حتلاقي البيض ده اتحول لسمك صغير و كيس المح حيخلص و يبقي بيسبح سباحة حرة ممكن تنقله بقي لحوض صغير 40 سم مثلا بفلتر سفنج و تملاه بمياه من الحوض الاساسي و تبدأ بقي تأكلهم اكل بتاع الكبار عادي بس مطحون تبدأ تأكل بعد ما كيس المح يخلص خالص.
الطريقة التانية: و هو انك تسيب النتاية من اسبوعين ل ٢٠ يوم في الحوض الاساسي عادي و بعد كده تمسكها تفضيها بنفس الطريقة بس ساعتها حتنزل سمك مكتمل حر الحركة و السباحة و بكده تبقي عديت مرحلة الحضانة و تدخل علي طول علي مرحلة الحوض الصغير و تعمل نفس الخطوات و برضه الحوض الصغير تملاه من الكبير
كده تقريبا كل حاجة عن الافريقي اتمني أكون فيدتكوا و المعلومات تكون مفيده ☺️🙏🏻🌷
ليست هناك تعليقات:
إرسال تعليق
فضلا وليس امرا اترك تعليقا لتشجيعنا علي الاستمرار